रस्ता सुरक्षा सप्ताहात सहभागी होत वाहतूक नियमांबद्दल जनजागृती
%20(1).jpeg)
अदर पुनावाला क्लीन सिटी इनिशिएटिव्ह ने नुकतेच रस्ता सुरक्षा सप्ताहात सहभागी होत वाहतूक नियमांबद्दल जनजागृती केली. या उपक्रमांतर्गत एपीसीसीआयच्या तब्बल 450 हून अधिक स्वच्छता सैनिकांनी 50 हून अधिक चौकांमध्ये वाहतूक नियम फलकांद्वारे जनजागृती केली.यावेळी नागरिकांशी संवाद साधत वाहतूक नियमांचे महत्त्व अधोरेखित केले. वाहतूक नियमांचे पालन करणाऱ्या 300 हून अधिक चालकांचा गुलाबाचे फुल देऊन सत्कार करण्यात आला.या संपूर्ण उपक्रमामध्ये पुणे वाहतूक शाखेचा सहयोग लाभला. हा उपक्रम पुणे वाहतूक पोलिस आयुक्त मनोज पाटील आणि उपायुक्त हिम्मत जाधव यांच्या मार्गदर्शनाखाली पार पडला. वाढणारी लोकसंख्या,रस्त्यावर झपाट्याने वाढणारी वाहनांची संख्या यामुळे पुण्यातील वाहतूकीत लक्षणीय वाढ झाली आहे.त्यात नियम न पाळणाऱ्यांमुळे वाहतूक कोंडीत अजून भर पडते,तसेच इतर चालक व पादचाऱ्यांच्या जीवाला देखील धोका निर्माण होऊ शकतो.त्यामुळेच वाहतूक नियमांच्या पालनाबाबत जनजागृती ही महत्त्वाची आहे.हेच उद्दिष्ट ठेवत एपीसीसीआयचे स्वच्छता सैनिक या उपक्रमामध्ये सहभागी झाले.